«АЙБЫН» ӘПК мүшелерінің Қазақстан Республикасы Қарулы Күштері Бас штабы бастығының орынбасары генерал-майор Жүсіпов Сәкен Сауытбайұлымен кездесу кеші

2024 жылдың 31 қазан күні Ж.Мусин атындағы Көкшетау жоғары қазақ педагогикалық колледжінде «АЙБЫН» әскери-патриоттық клубы мүшелерінің Қазақстан Республикасы Қарулы Күштері Бас штабы бастығының орынбасары генерал-майор Жүсіпов Сәкен Сауытбайұлымен кездесу кеші өтті. Жиынға Қазақстан Республикасы Қарулы Күштері Бас штабы бастығының орынбасары генерал-майор Жүсіпов Сәкен Сауытбайұлы әскери қызметті насихаттау, Қазақстан Республикасы Қарулы Күштерінің беделін, имиджін арттыру және жастарды әскери-патриоттық тәрбиелеу мақсатында талқылау жүргізді. Сонымен қатар Ақмола облыстық қорғаныс істері басқармасының бастығы, подполковник Тұрабай Талғат Сайлауұлы, Ақмола облыстық қорғаныс істері басқарма бастығының тәрбие және идеология  жұмыстары жөніндегі орынбасары Утепов Ерболат Еленұлы қатысты. Жиында Алматы облысына қарасты С. Нұрмағамбетов атындағы Құрлық әскерлері Әскери институтының «Али» оқу орталығында  өткен «Айбын – 2024» Х Халықаралық әскери-патриоттық жастар жиынының жеңімпазы колледждің рухы биік, жалынды жастарынан құрылған «Айбын» әскери-патриоттық клубының бейнебаяны көрсетілді. Іс-шарада «Айбын» әскери-патриоттық клубының жетекшісі Калиев Қуаныш Ахметұлы мен «Айбын» әскери-патриоттық клубының бөлімше командирі Қабдөш Ербатыр Аманжолұлы өз ойларын білдірді. Сондай-ақ «Айбын – 2024» Х Халықаралық әскери-патриоттық жастар жиынының жеңімпаздары, «Айбын жұлдызы» шығармашылық байқауының жеңімпазы «Айбын» әскери патриоттық клубының мүшелері «Батыр баба - Сағадат» әнін орындады.  Сонымен қатар «Томирис» рухани патриоттық қыздар клубының командирі Сәбит Жұлдыз өз ойымен бөліссе, «Наркескен» ер балалар хоры «Рух салтанатын» орындап, рухты көтерді. Кеш соңында  колледж директорының міндетін атқарушы Ілияс Данагүл Нұртайқызы жиынды қорытындылады. Кездесу барысында колледж ұжымын Алғыс хатпен марапаттады. Директордың тәрбие жұмысы бойынша орынбасары Заманбекова Әлия Заманбекқызына  "Рақымжан Қошқарбаев" естелік белгісі табыс етілді.