СПОРТ САЛАСЫ БОЙЫНША КӘСІБИ ШЕБЕРЛІК КОНКУРСЫНЫҢ КОЛЛЕДЖІШІЛІК ІРІКТЕУ САЙЫСЫ

2024 жылғы 29 қазан күні Ж.Мусин атындағы Көкшетау жоғары қазақ педагогикалық колледжінде техникалық және кәсіптік, орта білімнен кейінгі білім беру ұйымдарының педагогтері арасындағы спорт саласы бойынша кәсіби шеберлік конкурсының колледжішілік іріктеу сайысы өтті. Мақсат – дене тәрбиесі оқытушылары арасында үздік педагогтерді анықтау, дене тәрбиесі оқытушыларының шығармашылық бастамаларын қолдау, кәсіби өсуге жәрдемдесу, осы кәсіптік оқытушылық еңбегінің беделін арттыру және облыстық кезеңге іріктеу жасау. Байқау 3 турдан тұрды. «Заманауи дене шынықтыру сабағы» кезеңінде конкурсқа қатысушылар өздеріне бейтаныс топта сабақ өткізсе, «Өз ісінің шебері». Жаттығудың техникалық орындалуы» атты турда қатысушы баскетбол, волейбол, футбол, гимнастика (акробатикалық жаттығулар) бойынша орындау техникасын ауызша түсіндіре отырып, практикалық дағдыларды көрсетеді, сондай-ақ жеңіл атлетика түрлері туралы ауызша түрде айтып береді. Сондай-ақ президенттік тест нормативтері бойынша «Спорт түрлерінен жарыста» 60 м. жүгіру, орнынан ұзындыққа секіру, баскетбол  добын сақинаға дәл лақтыру бойынша сыналды.  Байқау нәтижесіне сәйкес Бас жүлдені Садвакасов Айбек Серікұлы иеленсе, Галимова Диана Тагирона жүлделі І орынға ие болды. ІІ орынды Көке Асылбек Қабайұлы, ІІІ  орынды Дусенбина Гульдарай Омырбековна еншіледі. Құттықтаймыз! Биіктей беріңіздер!