«Мамандыққа алғашқы қадам»

2019 жылдың 11 желтоқсан күні оқу залында жоспарға сәйкес «Мамандыққа алғашқы қадам» атты қолданбалы бакалавр топтарына іс-шара ұйымдастырылды. Іс-шараға МД-22 ҚБ, БМ-22 ҚБ, ФБ-22 ҚБ, А-23 ҚБ  топтарының ІІ курс студенттері қатысты. Шара барысында 0101044 «Мектепке дейінгі тәрбие және оқытудың қолданбалы бакалавры» және 0105104 «Бастауыш білім берудің қолданбалы бакалавры» біліктіліктерінің ІV курс студенттері Боқанова Қымбат және Айтпаева Айнұр презентация арқылы мамандықтың мақсат-міндеттері, мекемелерде өткен іс-тәжірибе практика түрлерінің ерекшеліктеріне тоқталды. Республикалық WorldSkills жеңімпазы Маджитова Лаура «Мен жаңа  формация мұғалімімін» электрондық портфолионы ағылшын тілінде таныстырып өтті. Директордың практика жұмысы бойынша орынбасары Қ.Мұқышева 2019 жылдың 18-28 желтоқсан аралығында мектеп, балабақшаларға алғаш тәжірибеге баратын білім алушыларына мақсат, міндеттерін, сынып сағаттарын өткізудің түрлерін, машықкерлердің толық құжаттарымен (тәжірибе күнделігі, практика портфолиосы) таныстырды.  Студенттер өз тараптарынан сұрақтар қойып, талқыланды.