20.04.2023
Ағымдағы жылдың 19 сәуір күні Ж.Мусин атындағы Көкшетау жоғары қазақ педагогикалық колледжінің ұжымы, ардагер ұстаздары «Астана Опера» мемлекеттік опера және балет театрына барып, Алаш арысы Т.Жүргеновтің 125 жылдығына және қазақ кәсіби театрының негізін алғаш қалаушы Ж.Шаниннің 130 жылдығына орай ұйымдастырылған қазақ театрының классикасы «ҚЫЗ ЖІБЕК» операсын тамашалап қайтты. Солистердің керемет дауыстары және оркестрдің үндескен дыбысталуымен орындалған операдан көрермен қауым құлақ құрышын қандырып, жаңа серпіліс алып, рухани демалды. Жиналған халық эмоцияға толы әсер алысып, жайдары тарқасып жатты.